🔹شعری از #غلام_دگیرمانچو 

سفارش به ریگان ملعون
(ریئس جمهور وقت ایالات متحده) 

حمد ایلرم آلّاهه وردی نه عجب رهبر
تاپدوخ هامو بیز عیزت دونیاده نئجه احمر

رهواری اولان میلت قالماز داهی حیرت ده
دوشمن بیزه ال تاپماز، دین اولدو بیزه محور

ریگانه دیون بدبخت کور اولدو گوزون گورمور؟!
باخ قدرت ایسلامه دوشمن نئجه گور تیترَر !

میلت داهی یول ورمز هر خائن ایرانه
تاراج ائلسین مولکون هر ملجمیدن بدتر

بیز صاحب قرآنوخ سیز خائن هر میلت
اولدوز نئجه گور رسوا! ای روبَهِدن بدتر

قان ورمگی درس آلدوخ اولاد پیمبردن
باشلار گر اولا منشق چون راس علی اکبر

بو پیر و جوان هرگون گور عازم میدان دور
چون دین و دیانت ده، ایمانِده چون اختر

صدّامه باخوب گور سن گردابده غرق اولموش
امداده دیور گلسون خناس لقا  کافر

هیهات یاتام راحت ای دشمن هر میلت
گور جوشه گلوب قانلار میدان بلا ایستر

خمپاره گلن دمده دیلدن دیروخ تکبیر
بولوبول کیمین آوازه گلموش ووراروخ شهپر

باخ دشت #قراویزه[۱] ! نعش شهدا یاتموش
چون سوسن وچون سنبل آرام دل مادر

یول گوزله و باخ بیر عُمر بومیلت اسلامه
یاهو چکیری هر گون! آخیر سنه گور نیلر

دشمندن او کس قورخور! عمر ایستیری دونیادن
بیز طالب عقبایوخ ای افلقیدن بدتر

بیز راه خدا ایچره! شیطان سیزه رهبر دور
بو پیر خمینی چون نطقینده بیان ایلر

دونیا گر اولا همدست دشمن بیزه ال تاپماز
آخیر اولاجاق مغلوب هر فرقه کافر فر

"نوروزی" دییر هرگون "ریگان" تبه کاره:
امید یوخون هرگز ای ملحدیدن بدتر

✍ شاعر: غلام نوروزی (غلام دگیرمانچو) ۲۷ دی ماه ۱۳۶۲
📝 تصحیح: بهمرام بهرامی رشید 
📚موضوع: شاعران درگذشته قروه درجزین 
..........................ه
۱- قراویز روستایی از توابع شهرستان سرپل ذهاب در استان کرمانشاه که در زمان سرودن شعر جز مناطق جنگی بوده است