انجمن ادبی فانی نوروز 91

 

گلاب شویی مزار فانی اردیبهشت 93

نوباهار اوْلدئ آچوْلدي گَنَه چؤللَردَه چيچَك
هابولوت سَسلَه دئ اوَّلدَه منيمدور گؤبَه لَك
حاجي‏لئيلَكلريموز چيْخديْلا پروازَه تامام
قيْرجانا- قيْرجانا يان ـ يان يئرييوْر قاز ، اؤردَه‏ك
قازالاقلار هَرَه بير يئردَه سالوبلار لانا
ساغساغان قويروغونا باغلاديْ بيرجَه دؤگَجَك
گؤر سيْغيْرچين چَكوري شاخ ـ ي صينوبردَه نَوا
قاشلارون وَسمَه‏لييوب كَكليگ ، ايدوب ياخشيْ بَزَك
اوْت بيتوب چؤلدَه ، چمنلَردَه اوْلوب چيشمَه روان
چيْخدي اوْ نازلو ناخورچي گَنَه اَلدَه دَگَنَگ
كَند ديلبرلَري چيْخدي قيْشيْن آستدان شادان
ووردولار ناز ايلَه نازيك كمَرَه ييْرتيق اَتَك
بيريسئ قلبيرئ گؤتدي چؤلَه گيتدئ اوْدونا
بيريسي چَمرَلَه‏نوب ايْسلادي ايويندَه تَزَك
جمع ايدوب كؤلفتيني كَرمَه‏ني سَردئ گونئييَه 
بيريسي دامدا سَروب چوْخلو قئييخ گؤزلوري تَك
بيريسئ يوْخدو بيزووچي يايوْري چؤلدَه بيزوو
بيريسئ يوْخدو ساغونچي ساغوْري كندي اينَك
بيرئ خامَه اگيرور گوندَه آلوْر ايككي شاهي
بيرئ يوْرقان سَرييور گوندَه يئيَه‏ر بيرجَه چؤرَك 
بيرئ ايگ اَلدَه دگيرمانا داغارجوخ دالدا
بيرئ ايپ بئلدَه كؤلؤنگ اَلدَه و دالوندا وَرَه‏ك
بيريسئ دامدا گونئيدَه يامورو پالتارونو
بيريسئ ليفتَه‏سينئ بيتليرئ يانوندا كؤپَك 
بيرئ آسموْش قازانو شام ايچو يونجا پيشيرور
بيرئ ياتموْش يوْخودا بلكَه گؤرَه تاززَه چؤرَك
بيريسئ آجدو ز بس ايرتَه‏ليدَن كرمَه ياپوپ
بيريسئ توْخدو ياتوب ، بس كي يئيوب دادلو كؤتَك
ايشيدوبلَر كئ ايياق‏قابي وار عالمدَه ولي
اؤزينو گؤرمييوب آديْني قوْيوبلار چؤستَك
بيريسئ داغليْيوب و باغلوْري داب باني چاتون
بيريسئ زينت ايچون باشَه سالوْر كؤهنَه لَچَك
بيرئ وورموش اَري سيْنميش باشيْ قانيْ تؤكولور
قوْيوب اوْ تالوقا شئيطان تورودان بير كؤلچَك
جمع اوْلوب قازياغي دَرماغا گيدوللَر قيزلَر
هَرَه‏سئ بير ـ بير ايلَه ائيليري بير نوع هَنَك
بيرئ اوْينار بيرئ ييرلَر بيريسئ مئللاق اوچار
اوستوخانلار قيْزار اوْل دَم كئ چالوللار كله نَك
. . . . .